သူမ..
နှင်းတွေကြားမှာ လူးကာလွန့်ကာ..
လောကဒဏ်တွေကို ခံစားဖို့
စမ်းတစ်ဝါးဝါး လူ့လောကကိုခြေချလာခဲ့တယ်..
စုပ်ချက်တွေဆွဲဖို့ မှင်တံတစ်ချောင်း
ဒါမှမဟုတ်..
ရန်စွယ်ကိုတုံ့ပြန်ဖို့.လှံတံ
တစ်ချောင်း
သယ်ဆောင်မလာခဲ့ပေမယ့်
ဘ၀ကိုတိုက်ခိုက်ဖို့ အရည်အချင်းတွေ
ခေါင်းရွက်လာခဲ့တယ်...
မဟုတ်မခံတဲ့ သူမရဲ့နှုတ်ခမ်းတွေဟာ
ဒီဇင်ဘာ မွေးချင်းကိုတောင်
ရေခဲကြောင့်အရည်ပျော်စေနိုင်တယ်...
ဆောင်းတွင်းရဲ့အငွေ့အသက်လို တစ်လူလူလွင့်ရင်း
ကံနဲ့ဥာဏ်ကိုထပ်ကိန်းတင်ရဲတဲ့သူမ
ဝီရိယဆိုတာသူမအနာဂတ်အတွက်..
တစ်ခါတစ်ရံတော့လည်း...
နူးညံ့မှုတွေရှိတဲ့နှင်းဆီရိုင်းတစ်ပွင့်ပမာပေါ့..
ဘ၀ဇာတ်ခုံရဲ့ပိတ်ကားတွေမှာ
ရောင်စုံပြောင်းပြီး..အငြိမ့်မင်းသမီးအဖြစ်လည်း
ကကြိုးတွေစုံလင်ခဲ့တယ်..
မိုင်တိုင်တွေဖြတ်သန်းခဲ့တဲ့
ရထားတစ်စင်းရဲ့ခုတ်မောင်းသံတွေကို
ခံစားဖို့ခရီးသည်တစ်ယောက်အသွင်မကပဲ
ကိုယ်တိုင်မောင်းနှင်ဖို့ပါကြိုးစားခဲ့တယ်...
ညှို့ယူဖမ်းစားတဲ့စောင်းကြိုးတွေတီးခါတ်ဖို့
အနုပညာတွေအားနည်းခဲ့ပေမယ့်
ဘ၀ရဲ့စည်းကြိုးတွေကို
ရမ်သမ်ညီအောင် ညှိနိုင်ခဲ့တယ်....
လိုအပ်ရင်စိတ်ဓါတ်တွေကိုသံမဏိဖုံးစွပ်ပြီး
မျက်ရည်တွေကိုမြိုသိပ်နိုင်ခဲ့တယ်.
အပြုံးရိပ်တော့မရှားပါးခဲ့ပါဘူး..
ဒီဇင်ဘာမှာမွေးလို့သူမရဲ့ရင်ထဲမှာ
နှင်းမိုးတွေရွာချင်ရွာနေလိမ့်မယ်
ဒါပေမယ့်...
သူမရဲ့ဝိဥာဏ်တွေကိုထုစစ်ထားတဲ့
စိတ်ဓါတ်တွေကတော့ အရည်မပျော်နိုင်တဲ့
မြစ်တစ်စင်းလို တစ်သွင်သွင်နဲ့ပေါ့.....
(မွေးနေ့လက်ဆောင်အဖြစ် ပေးပို့လိုက်သော ချစ်ငယ်သူငယ်ချင်း လူပျိုကြီးဖန်နေ၀န်းကို အထူးကျေးဇူးတင်လျက် :D)
No comments:
Post a Comment