စင်ကာပူနိုင်ငံမှ နာမည်ကျော်စာအုပ်ဆိုင်ဖြစ်သော Popular စာအုပ်ဆိုင်က လုပ်ငန်းလုပ်ပိုင်ခွင့် (Franchise)စနစ်ဖြင့် ရန်ကုန်မြို့၊ ပုဇွန်တောင်မြို့နယ်၌ အသစ်ဖွင့်လှစ်လိုက်သည့် East Point Shopping Center တွင် ဆိုင်ခွဲဖွင့်လှစ်ခဲ့ကြောင်း သိရှိရသည်။
နိုင်ငံခြားထုတ်စာအုပ်မျိုးစုံကို နိုင်ငံတကာဈေးနှုန်းများအတိုင်း မြန်မာကျပ်ငွေဖြင့် ရောင်းချမည်ဖြစ်ကာ ပြည်တွင်းစာအုပ်လောက၌ ပြည်ပနိုင်ငံတစ်ခုမှ Frachise စနစ်ဖြင့် လာရောက်ဖွင့်လှစ်ခဲ့ခြင်းမှာ ပထမဆုံးအကြိမ်ဖြစ်ကြောင်း သိရသည်။
''ဘယ်နယ်ပယ်မှာမဆို ယှဉ်ပြိုင်မှုရှိမှတိုးတက်တဲ့အတွက် ကြိုဆိုပါတယ်။ ကျွန်တော်အနေနဲ့ တစ်ဦးတည်းကိုယ်စားလှယ်ယူထားတဲ့ စာအုပ်အမျိုးအစားတွေ ထပ်နေတယ်ဆိုရင်တော့ မူလထုတ်ဝေတဲ့ စာအုပ်တိုက်နဲ့တော့ ပြန်ညှိရမယ့်သဘောရှိပါတယ်။ အဲဒါကိုတော့ စောင့်ကြည့်ရဦးမှာပါ''ဟု Myanmar Book Centre မှ ဒေါက်တာသန့်သော်ကောင်းက ပြောပြသည်။
''ဈေးကွက်က open market ဖြစ်လာတဲ့အချိန်မှာ ဘယ်သူမဆို လာဖွင့်လို့ရတာပါပဲ။ အောင်မြင်မှု၊ ရှုံးနိမ့်မှုဆိုတာကတော့ ကြိုးစားမှုနဲ့ပဲ သက်ဆိုင်ပါတယ်။ အသစ်ဝင်ရောက်လာတဲ့သူများလာလေ ဈေးကွက်က ပိုကြီးလာလေပါပဲ။ ဈေးကွက်ကြီးလာတဲ့အခါ ပိုဖွံ့ဖြိုးလာမယ့်သဘော ရှိလာမှာပါ။ လက်ရှိအချိန်မှာတော့ ဈေးကွက်ခပ်သေးသေးတစ်ခုကိုပဲ ပြုံတိုးနေရတဲ့အတွက် ထိခိုက်မှုရှိနိုင်ပေမယ့် အနာဂတ်အချိန် အနည်ထိုင်သွားတဲ့အခါ သူလည်း သူ့ဈေးကွက်၊ ကိုယ်လည်း ကိုယ့်ဈေးကွက်နဲ့ တိုးတက်လာနိုင်စရာတွေ ရှိပါတယ်''ဟု နိုင်ငံတကာမှ စာအုပ်များ တင်သွင်းရောင်းချနေသည့် ပြည့်စုံစာအုပ်တိုက်မှ ဦးမျိုးအောင်က ဆိုပါသည်။
''နိုင်ငံတကာက စာအုပ်တွေကို တရားဝင် တင်သွင်းရောင်းချနေတဲ့ စာအုပ်တိုက်တစ်တိုက်အနေနဲ့ နိုင်ငံခြားက စာအုပ်ဆိုင်တစ်ဆိုင် လာရောက်ရောင်းချတာကို ကြိုဆိုတဲ့နည်းတူ ပူးပေါင်းလုပ်ဆောင်စရာတွေ ရှိနေမယ်ဆိုရင်လည်း အတူလုပ်ကိုင်သွားဖို့ အဆင်သင့်ပါပဲ''ဟု အင်းဝစာအုပ်တိုက်မှ ဦးမောင်မောင်လွင်က ပြောပြခဲ့ပါသည်။
No comments:
Post a Comment