၂၀၀၇ ခုနှစ် မြန်မာ့ရုပ်ရှင်ထူးချွန်ဆု (အကယ်ဒမီ)ဆုချီးမြှင့်သည့် အခမ်းအနားကို နေပြည်တော်တွင် ကျင်းပပြုလုပ်ခဲ့ရာ မြင့်မာလာရုပ်ရှင်ထုတ်လုပ်ရေးမှ ဝတ္ထုဇာတ်ညွှန်းနှင့် ဒါရိုက်တာ မြို့တော်မောင်ယဉ်အောင်၏ “ကိုးဆယ်ဆသာလိမ့်မယ်” ဇာတ်ကားမှာ အကယ်ဒမီဆုများစွာဖြင့် အောင်ပွဲခံခဲ့သည်။ “ကိုးဆယ်ဆသာလိမ့်မယ်” ဇာတ်ကားဖြင့် အကောင်းဆုံး ဇာတ်ကားဆု၊ အကောင်းဆုံး ဒါရိုက်တာဆု၊ အကောင်းဆုံး အမျိုးသားသရုပ်ဆောင်ဆု၊ အကောင်းဆုံး အမျိုးသားဇာတ်ပို့ဆုနှင့် အကောင်းဆုံး တေးဂီတဆုတို့ကို ဆွတ်ခူးရရှိခဲ့သည်။
(အကယ်ဒမီဆုပေးပွဲအခမ်းအနားကျင်းမြင်ကွင်း)
ယခုနှစ် အကယ်ဒမီ ဆုပေးပွဲတွင် ထူးခြားမှုအဖြစ် အကောင်းဆုံး အမျိုးသမီးသရုပ်ဆောင်ဆုနှင့် အကောင်းဆုံး အမျိုးသမီးဇာတ်ပို့ဆုတို့ကို ပေးအပ်ချီးမြှင့်ခြင်း မရှိခဲ့ချေ။ အကယ်ဒမီဆု အရေအတွက်အနေဖြင့်လည်း ယမန်နှစ်ကထက် လျော့နည်းခဲ့ပြီး ဇာတ်ညွှန်းဆု၊ တည်းဖြတ်ဆု၊ အသံပိုင်းဆိုင်ရာဆုများလည်း ရွေးချယ်ပေးအပ်ခဲ့ခြင်း မရှိကြောင်း သိရသည်။
၂၀၀၇ ခုနှစ်အတွက် မြန်မာ့ရုပ်ရှင်ထူးချွန်ဆု (အကယ်ဒမီ)ရရှိသူများမှာ အောက်ပါအတိုင်းဖြစ်သည်။
ဇာတ်ကားဆု - ကိုးဆယ်ဆသာလိမ့်မယ် (မြင့်မာလာ ရုပ်ရှင်ထုတ်လုပ်ရေး)
ဒါရိုက်တာဆု - မြိုတော်မောင်ယဉ်အောင် (ကိုးဆယ်ဆသာလိမ့်မယ်)
အမျိုးသားသရုပ်ဆောင်ဆု - ကျော်ရဲအောင် (ကိုးဆယ်ဆသာလိမ့်မယ်)
အမျိုးသားဇာတ်ပို့ဆု - မိုးဒီ (ကိုးဆယ်ဆသာလိမ့်မယ်)
ရုပ်ရှင်ဓါတ်ပုံဆု - ကျောက်ဖြူ (ပဒေသာ) (ငါ့ဓား ငါ့သွေး ငါ့ဧရာဝတီ)
ရုပ်ရှင်တေးဂီတဆု - စိန်မွတ်တား (ကိုးဆယ်ဆသာလိမ့်မယ်)
မှတ်ချက်။ ။ ၂၀၀၇ ခုနှစ် အကယ်ဒမီဆုပေးပွဲ ပုံရိပ်များကို ပလန်းနတ်ဝက်ဘ်ဆိုက်၏ 2007 Myanmar Academy Award အထူးကဏ္ဍတွင် တင်ဆက်ပေးထားပါသည်။
No comments:
Post a Comment