တချို့လူတွေ မေးတဲ့ မေးခွန်းက ဖြေရ မလွယ်တဲ့ အကြောင်း စဉ်းစားမိလို့ပါ။ ကိုယ် ကိုယ်တိုင် သူများ ဖြေရ ခက်မယ့် မေးခွန်းမျိုး များ မေးမိဖူးလားလို့ တွေးမိသေးတယ်။ သူငယ်ချင်း တစ်ယောက်ရဲ့ အမျိုးသားက အခုမှ ရောက်ဖူးတဲ့ အိမ်တစ်အိမ်ကို သဘောကျလို့ အိမ်ရှင်ကို ဒီအိမ် ဘယ်လောက်နဲ့ ၀ယ်တာလဲ လို့ မေးတာ ကြားဖူးတယ်။ ရန်ကုန် ပြန်လျှင် မလွတ်တမ်း အမေး ခံရတာကတော့ လခ ဘယ်လောက် ရသလဲ တဲ့။
ဖြေဖို့ အကျပ်အတည်း ဖြစ်နေလျှင် ရယ်ကျဲကျဲ လုပ်နေလိုက်တာပေါ့။ ဒါကို မေးတဲ့ သူက မရိပ်မိဘဲ ထပ်မေး နေလျှင်တော့ ခက်ပါတယ်။ သူငယ်ချင်း ရွယ်တူတွေ ဆိုလျှင်တော့ မဖြေနိုင်ပေါင် လို့ ခပ်ရွှန်းရွှန်းလေး ပြောလိုက်လို့ ရပေမယ့် လူကြီးတွေ မေးတာ ဆိုလျှင်တော့ ဘာဖြေရမလဲ မသိပါ။
သတိ ထားမိ သလောက် အနောက် တိုင်းသားတွေ ကတော့ ပုဂ္ဂိုလ်ရေး ဆန်တဲ့ မေးခွန်းတွေ မမေးပါ။ အရှေ့ တိုင်းသား များကတော့ ထူးထူးခြားခြား ရည်ရွယ်ချက် မရှိဘဲ အိမ်ထောင်ရှိလား ကလေး ဘယ်နှစ်ယောက်လဲ ကိုယ်ပိုင် အိမ် ကား ရှိလားစသဖြင့် တထိုင်တည်းနဲ့ ဘ၀ ဇာတ်ကြောင်း အစုံကို မေးတတ်ပါတယ်။
နောက် မေးခွန်း တစ်ခုကတော့ ဘာလို့ ချစ်တာလဲ တဲ့။ ချစ်လား လို့ မေးတာကို ဖြေရတာ မခက်ပေမယ့် ဘာလို့ ချစ်တာလဲ ဆိုတာ ကိုတော့ ဖြေရ ခက်တယ် လို့ ထင်တာပဲ။ ကိုယ့် အတွက် ပြောတာပါ။
copy from prosperandpeace blog
No comments:
Post a Comment